Tunika i lilla

Amalie fekk seg ein tunika tidlegare i haust. 

Den var faktisk ganske so kjapp å strikke, og vart strikka i 

Sandnes Duett. Er ikkje heilt sikker på om eg likar garnet,

men greit nok å strikke med. 

Lomma vart ikkje heilt perfekt, 

men frøkna dreg i den, og då vert det slik.

Men eg må nok strikke ein til, til store søstra,

 men først må noko anna verte ferdig.

Her byrjar julefreden å senke seg, trur eg.

I år har eg faktisk ikkje hatt den store julefølinga.

Juletreet er pynta av "bompibjørnen" og store jenta.

Det vart ikkje so mykje julekakebaking i år, 

 men vi skal vere vekke mesteparten av jula, og då vert det litt slik.

Men det viktigaste er at mat og julegåver er i hus, 

julekorta er sendt avgårde,

og eg trur at vi alle skal verte fornøgde, i år òg.

Men det som ikkje er gjort no, det vert ikkje gjort.

Jula er jo barna si høgtid, og det er viktig å ta med seg.

Vi må nok verte flinkare til å senke skuldrane litt i førjulstida.

Juleferien har byrja for oss no. Alle har fri til over nytt år.

Godt å ta det med ro, og ha tid til kvarandre 

og ikkje stresse opp om morgonen for at alle skal rekke sitt.

Godt å sleppe å vakne til den forferdelege vekkerklokka.

No er det i staden ivrige småjenter som vil sjå barne-tv.

Ha ei fortsatt god førjulstid!

(sjølv om julaften ikkje er langt unna.)